அனுமனுக்கு வெண்ணெய், வடை மாலை, வெற்றிலை மாலை சாற்றுவது ஏன்?

ஆன்மீகம் / ஆன்மீக கதைகள்

*அனுமனுக்கு வெண்ணெய், வடை மாலை, வெற்றிலை மாலை சாற்றுவது ஏன்/?

பக்திக்கு எடுத்துக் காட்டாக திகழும் அனுமனுக்கு ஏன் வெற்றிலை மாலை, வடை மாலை சாற்றப்படுகிறது, வெண்ணெய் ஏன் பூசப்படுகிறது என்பதைப் பார்ப்போம்...

அனுமன் தன் பக்தியால் அந்த பரந்தாமனைப் பல முறை திகைப்பில் ஆழ்த்தச் செய்துள்ளார். இப்படியும் ஒருவன் பக்தி செலுத்த முடியுமா என் பல முறை அனுமனைப் பார்த்து ராம பிரான் வியந்துள்ளார். அவருக்கு வெற்றிலை மாலை, செந்தூரம் பூசுதல், வெண்ணெய், வடை மாலை சாற்றி வழிபடுதல் என பல முறைகளில் வழிபட்டு வருகின்றோம்.
அப்படிப்பட்ட அனுமனுக்கு உடலில் வெண்ணெய் பூசுவதும், உளுந்து வடை சாற்றி வழிபடுவதும் வழக்கமாக உள்ளது.

அனுமனுக்கு வெண்ணெய் பூசுவது ஏன்?

அனுமனுக்கு வெண்ணெய் பூசுவதற்கு முக்கிய காரணம் சீதா தேவி தான். இலங்கைக்கு தீ வைத்து அட்டகாசம் செய்த அனுமனை நெருப்பு சுடவே இல்லை. ஆனாலும் அதன் வெம்மை தாக்கியது. அதே போல் அவர் போர்களத்தில் சண்டை புரிந்ததோடு, ராமன் மற்றும் லட்சுமணன் ஆகியோரை தன் தோள்களில் அமரச் செய்து போர் செய்ய உறுதுணையாக இருந்தார்.

அப்போது அனுமன் பிரமாண்ட தோற்றத்தில் இருக்க அவர் மீது பல அஸ்திரங்கள், கொடிய ஆயுதங்களால் எதிரிகள் தாக்கினர். அதனால் அனுமனின் உடல் முழுவதும் காயங்கள் ஏற்பட்டன. ஆனால் ராமனுக்காக இந்த காயங்கள் எல்லாம் வரமாகத் தான் பார்த்தார்.

வெண்ணெய் பூச செய்த சீதை:

யுத்தம் முடிந்து சீதையை மீட்டார் ராமன். சீதை அக்னி பரிச்சையில் வெல்ல சீதாராமனாக காட்சி தந்தார். அப்போது பணிந்து தொழுது கொண்டிருந்த அனுமனின் உடல் எங்கும் இருந்த காயங்களைப் பார்த்தும், இலங்கைக்கும் தீ வைத்ததால் வெப்பத்தால் அவர் உடல் அடைந்த வேதனையை புரிந்து கொண்டார்.

உடனே தாய் உள்ளம் கொண்ட சீதா தேவி, நிறைய வெண்ணெய்யைக் கொண்டு வரச் செய்து, அதனை மாருதியின் உடல் முழுவதும் பூசச் செய்தார். அதனால் அவரின் உடல் காயங்கள், தீயின் வெம்மையால் ஏற்பட்ட பாதிப் குறைந்தது.

அன்னையின் செயலால் மனம் மகிழ்ந்த அனுமன், தனக்கு வெண்ணெய் சாற்றுபவர்களின் நோய், ராமபிரானின் அருளால் முழுமையாக குணப்படுத்துவேன் என கூறினார். இதனால் தான் தற்போதும் அவருக்கு வெண்ணெய் சாற்றும் வழக்கம் ஏற்பட்டுள்ளது பின்பற்றப்பட்டு வருகின்றது.

வெற்றிலை மாலை:

அசோக வனத்தில் இருந்த சீதையை பார்க்கச் சென்ற ஹனுமான், தான் ராம தூதன் என நம்ப வைக்க அவரிடம் இருந்த கணையாழியைக் காட்டினார். இதனால் மிகவும் மகிழ்ந்த சீதை அனுமனுக்கு ஆசீர்வாதம் செய்ய விரும்பினார். ஒருவருக்கு ஆசீர்வாதம் செய்ய நினைத்தால் அட்சதை அல்லது மலர்கள் தூவி செய்வது வழக்கம்.

ஆனால் அசோக வனத்தில் அப்படி எதுவும் அருகில் இல்லாததால், சீதா பிராட்டி அமர்ந்திருந்த இடத்திற்கு அருகில் படர்ந்து கிடந்த வெற்றிலை கொடியின் இலையை கிள்ளி, இந்த இலை தூவி உன்னை ஆசிர்வதிக்கின்றேன்.

வடை மாலை ஏன்?

இனி எல்லாம் வெற்றி ஆகும் என்றார். அதோடு இன்று முதல் இந்த இலைக்கு வெற்றி இலை என்ற என போற்றப்படும் என்றார். அன்று முதல் வெற்றிலை மாலை அணிவித்து அனுமனை வழிபட்டால் நாம் கேட்ட வரங்களை தருவார். கடின காரியங்களில் வெற்றியை பெறச் செய்வார் என்ற ஐதீகம் நிகழ்கிறது.
வடை மாலை ஏன்?
நவகிரகங்களில் ஒருவரான ராகுவுக்கு உரிய தானியம் உளுந்து. ராகுவால் மனிதனுக்கு சில கெடுதல் ஏற்படுவது உண்டு. அதை போக்க உளுந்தை அரைத்து, அதில் வடை செய்து மாலையாக்கி அனுமனுக்கு அணிவித்தால் ராகு தோஷம் நீங்கும். அதிலும் குறிப்பாக கறுப்பு உளுந்து என்றால் மிக நல்லது என்பது ஐதீகம்.
 நவகிரக வழிபாடு முறைகள்: நவகிரகங்களை எத்தனை முறை வலம் வர வேண்டும் தெரியுமா?

கோயிலுக்கு வழிபடச் செல்லும் பக்தர்களுக்கு இருக்கும் முக்கிய சந்தேகங்களில் நவகிரக வழிபாடு சந்தேகமும் அடங்கும். எத்தனை முறை வலம் வர வேண்டும், எப்படி வணங்க வேண்டும், எந்தக் கிழமைகளில் வணங்க வேண்டும் என்ற விஷயங்களைத் தெரிந்து கொண்டு வழிபாடு நடத்துவது நல்ல பலன்களை தரக்கூடும்.

குறிப்பாக ஒவ்வொரு கிரக பெயர்ச்சியின் போது மக்களுக்கு நவகிரக வழிபாடு செய்ய அதிக கோயிலுக்கு செல்கின்றனர். இருப்பினும் சரியான வழிபாட்டு முறையை தெரிந்து கொண்டு அதற்கேற்றார் போல வழிபாடு செய்து கிரக தோஷத்திலிருந்து நிவர்த்தி அடைய வழிபடுவோம்.

கிரகங்கள் சுற்றும் முறை:

நவகிரகங்களில் உள்ள சூரியன், சந்திரன், செவ்வாய், புதன், குரு, சுக்கிரன், சனி ஆகிய ஏழு கிரகங்கள் வலமாக சுற்றுவதால், அந்த கிரகங்களுக்காக 7 சுற்று சுற்ற வேண்டும் என்றும், பின்னர் ராகு, கேது கிரகங்கள் இடமாக சுற்றுவதால், அதற்காக இடது புறமாகச் சுற்று சுற்ற வேண்டும் என்ற கருத்து பலரிடம் நிலவுகிறது. அப்படித்தான் செய்ய வேண்டுமா என்ற கேள்வியும் பலரின் மனதில் எழுவதுண்டு.

ஆனால் இது தவறான செயல். நவகிரகங்களை வழிபட்டு, நாம் 9 முறை வலமாக சுற்றி வருவது தான் சரியானது.

அதே போல் கோயிலுக்கு சென்றால் முதலில் விநாயகரை வணங்கிவிட்டு, பின்னர் அனைத்து தெய்வங்களையும் வழிபட்ட பின்னர் கடைசியாக நவகிரகங்களை தரிசிப்பது தான் சரியானது.

அதே போல் எந்த தெய்வங்களையும் தொட்டு வணங்குதல் கூடாது. குறிப்பாக நவகிரகங்களை தொட்டு வணங்குதல் கூடாது என்ற ஐதீகம் உள்ளது.

சனி, ராகு, கேது மட்டும் பாதிப்பைத் தரக்கூடியவர்களா?
பெரும்பாலானோர் சனி, ராகு, கேது கிரகங்கள் தான் பாதிப்பை ஏற்படுத்தக் கூடியவர்கள் என நினைக்கின்றனர். ஆனால் சுப கிரகங்களாகக் கருதப்படும் புதன், குரு, சுக்கிரன் ஆகியோர் கூட, அவர்கள் அமைந்திருக்கும் இடத்தைப் பொறுத்து நன்மையோ அல்லது பாதிப்பையோ ஏற்படுத்துவார்கள். இதனால் நவகிரகத்தில் உள்ள அனைத்து கிரகங்களையும் வழிபடுவது அவசியம்.

கிரக வழிபாடும் அதன் பலன்களும்:

சூரிய பகவானை வழிபாட்டால் உங்கள் வாழ்வின் ஆரோக்கியமும், மங்களமும் கிடைக்கும்.
சந்திர பகவானை வணங்கினால் அவரைப் போல் பிரகாசமான புகழ் கிடைக்கும்.

செவ்வாயை பகவான் அதாவது அங்காரனை வணங்கினால் உங்களின் தைரியம் அதிகரிக்கும்.

புதன் பகவானை (கல்வி அதிபதி) வழிபட்டால் நல்ல புத்தியும், சிறந்த அறிவாற்றலும் கிடைக்கும்.

குரு பகவான் (வியாழன்) வணங்கி வந்தால் உங்களுக்கு குறையாத செல்வமும், புத்திர பாக்கியமும் கிடைக்கும்.

சுக்கிர பகவான் (வெள்ளி) வணங்கும் போது நல்ல மனைவி அமைவதோடு, வீடு, மனை வாங்கும் சிறப்பான யோகம் உண்டாகும்.

சனி பகவானை வணங்கி வரும் போது நம் ஆயுள் பெரும்.

ராகு பகவானை வணங்கி வந்தால் உங்களின் பயணத்தால் நன்மைகள் கிடைக்கும்.
கேது பகவானை வணங்கி வரும் போது உங்களின் ஞானம் பெருகுவதோடு, ஆன்மிக ஈடுபாடு அதிகரிக்கும். அதன் மூலம் மோட்சம் கிடைக்கும்

அதோடு கிழமைக்கு ஏற்றவாறு அதற்குரிய கிரகத்தை வழிபட்டு வந்தால் அதற்கான கூடுதல் பலன்கள் கிடைக்கும்.

நவகிரக தோஷ நிவாரணி:

திருஞானசம்பந்தர் அருளிய கோளறு பதிகத்தை பாடுவதன் மூலம் நவகிரக தோஷத்திலிருந்து நிவாரணம் பெறலாம்

கோளறு பதிகத்தின் முதல் பதிகம்

வேயுறு தோளிபங்கன் விடமுண்ட கண்டன்
மிகநல்ல வீணை தடவி
மாசறு திங்கள் கங்கை முடிமேலணிந்தென்
ளமே புகுந்த அதனால்
ஞாயிறு திங்கள்செவ்வாய் புதன்வியாழன் வெள்ளி
சனிபாம்பி ரண்டு முடனே
ஆசறு நல்லநல்ல அவைநல்ல நல்ல
அடியா ரவர்க்கு மிகவே

கோளறு பதிகத்தின் முழு பதிகத்தையும் பாடி நவகிரகங்களின் பாதிப்பிலிருந்து நிவாரணம் பெறுங்கள்....

Comments
Write Your Own Comments
Submit

விளம்பரங்கள்

panpadutamil@gmail.com
தொடர்பு கொள்க